Quante bonu ca capisci li dialetti lucali? Sugnu mezzu sicilianu e haiu passatu circa tri misi all annu en Sicilia pi tutta a me vita. U me sicilianu nun e tantu bonu, ma capisciu tuttu. Simu di Cefalù na parti da famigghia campa a Palermo en picculu paisi chiamatu Campofelice. Austu eru a Catania e sentii quarchi cosa ca nuatri dicemu diversamenti. Chi paroli canusci ca varianu di riggiuni a riggiuni? Si fazzu quarchi sbagghiu, scusami, comu dissi, u me sicilianu nun e perfettu! Un lu scrivu mai, lu parru sulu cu la me famigghia <3

Salutamu picciuttata!

Ju già avìa fattu nu post ccà avi nu tempu, e di ddu mumentu cridu ca aju ammigghiuratu n'anticchia grazzi a tutti chiddi di vuàutri ca m'ajutaru, cchi'assai di tuttu cu la manera di scrìviri, câ dda ura nu burdellu era.

Tornu ccà ora cu nu dubbiu di certi verbi -iri, vi lassu tri esempi ca rapprisìntanu chistu, fatìtimi sapiri comu vi dìciunu vuàutri:

1. Succèdiri: cc'è "successi" vs "succidìu", e "successu" vs "succidutu".

2. Dicìdiri: cc'è "dicisi" vs "dicidìu", e "dicisu" vs "dicidutu".

3. Rispùnniri: cc'è "rispusi" vs "rispunnìu", e "rispostu" vs "rispunnutu".

Cci sunnu tant'àutri, comu morsi/murìu, parsi/parìu, ridissi/ridìu, surrisi/surridìu, ecc., e macari è cu la prima pirsuna (ccioè, dicidì/dicidivi/dicidìi, rispunnì/rispunnivi/rispunnìi, ecc.), ma la quistioni e siddu cc'è na variazzioni ntra dialetti siciliani, na diffirenza sicilianu anticu vs mudernu, oppuru siddu s'ùsanu tutt'i dui, e dipenni appena di chiddu ca parra, senza na règula fissa.

Eppoi, sacciu ca chistu nun è cu tutti, "dissi" è passatu senza varianti ppi diri, nun esisti dicìu, o dicìi, lu stissu cu "persi" di pèrdiri mi pari. Pirò, vitti ca cci su na para di verbi accussì c'hannu tutt'i dui rigistri, e siccomu lu sicilianu mirita rispettu, mi pari justu addumannàrivi prima di parrari allacatalla peri peri, oppuru dumannàricci ô minchiuni di ChatGPT...

Ju, cchiù o menu, mi nzignai la varianti palirmitana dû sicilianu, picciò, siddu aviti quarchi nfurmazzioni spiciali di chistu 'n riguardu a ddu dialettu, v'arringrazziassi assai. Cumunca, puru mi piacissi sapiri dî differenzi cu l'àutri banni di l'ìsula, picciò quarchi nfurmazzioni ajuta lu stissu.

N'àutra vota ancora, grazzi, e aspettu la rispusta.

Vi salutu!

​

Veni ccà

senti ccà

senti tu a tia babbaluceddu

nantra dumanna ora t'hâ fari

a tia ca nun sa' di unni veni

di ccu sì figghiu

chi rarichi funnuti teni

Veni ccà

senti ccà

senti a mia suca e dormi

senza ca ti scuncerti

dimmi chi è ca canusci

dâ Storia di Sicilia

dâ nostra Storia

senza ca ti metti a sgrignari

dimmi zoccu nni sai

dê nostri pirsunagghi

ca foru granni assai

e lassaru tistimunianzi

ca nun si ponnu scancillari

Veni ccà

senti ccà

senti tu a tia strammateddu

chi nni sai ...

Talè lassamu stari

un ti scirividdari

picchì sacciu già ca mi dici

i soliti minchiati senza senzu

babbitutini cuntati di genti

senza 'n veru nteressi

pi lu passatu raru

di sta terra granni 'i Sicilia

ca picca su' i nazzioni

ca cu idda cci ponnu stari a paru

Ammeci dimmi menzu abbaccateddu

senza ca ti storci u mussu

siddu cci hâ fattu casu

ca nta tanti cità e pajisi

ntitulati a Ruggeru Settimu

beddi granni puliti signurili

cci su' chiazzi eleganti

strati mastri cu palazzi gintili

Veni ccà

senti ccà

senti a mia tu babbasuneddu

cu ssi occhi ntuppati

chi nni sa' 'i stu signuri

ccu eni di unni veni

dû picchì di st'onuri?

Viju dâ tò facci perplessa

pi nun diri scantata stralunata

comu si fussi nterrogatu

a scola di 'n prufissuri

o dintra 'n tribbunali

citatu 'i 'n maggistratu

pi na sciarra civili

Viju di tò occhi sgriddati

ca sì ntuntutu e assà scuntentu

da vucca sbarracata

comu davanti

a nu purtentu

a na maravigghia a 'n prodiggiu

ca 'i tutti cosi

un teni cugnimentu

ah, unni amu truvatu!

Un fussi tutta curpa tova

pi diri a viritati

ca a scola un cc'è stu nzignamentu

e televisioni e giurnali

un pigghianu mai st'argumentu

ca nun porta guadagnu

mentri ammeci 'i cosa nostra mafiusa

nni parranu tutti i jorna

e di mafiusi e mafiuseddi

comu fussiru iddi

da Sicilia i picciotti beddi

dû capu appoi sapemu

pilu e piliddu puru li pizzini

ca nta jurnata manna

jornu pi jornu

Veni ccà

senti ccà

senti a mia tu ca sì strancitu tuttu

di stu fattu un giujiri

picchì siddu scaltru dici di ssiri

curpi tu cci nn'hâ a jittari

siddu è veru chi dici

ca di nuddu ti fa cumannari

ca 'n capu lu coddu na testa teni

cu granni ciriveddu

chinu zippu di gnegnu

picchì allura pi cuntu tovu

nenti nun ti nzignasti

picchì nenti nni sai

di la nostra Cultura

di lu nostru Passatu

da nostra Civiltati

'i tutta sta nostra bedda Natura?

Veni ccà

senti ccà

senti a mia scarsu 'i cumprindoniu

e vidi 'i nun scurdaritillu

Ruggeru Settimu fu ccussì granni

e pâ Sicilia d'accussì mpurtanti

ca "Patri dâ Patria" fu proclamatu

pirsuna veru sacra

"nviulabbili" fu nnuminatu.

Chi è ca veni a diri u capisci?

Dimmi ccu è pi tia

ca cchiù di cchiù si dici

E nantra cusuzza ti vogghiu diri

beddu spicchiu 'i mennula amara

pi iddu avissi statu hâ sapiri

ca a Sicilia nnipinnenti

pu veru fussi astura

nu Statu a cuntu sò

ma nuddu 'i tuttu chistu nni sa nenti

Veni ccà

senti ccà

senti a mia picciottu abbaddruttuliatu

ca di ccu veni e veni

ti fa manipulari

senza ca dici mai "chi jeni"

chi nni sa' di Archimedi 'i Saragusa

fora i soliti cunti dî sfasati

nuddu ti dissi mai c'hâ statu iddu

a nvintari la Syracusia

a prima navi granni granni

pi fari viaggi di piaciri

supra lu nostru mari

ca finu a oji tri cuntinenti bagna

cu tantu di piscina

pi rrifriscari u corpu

tempiu unni iri a prijari

e na bedda cabina

p'ognadunu dê centu passiggeri

Veni ccà

senti ccà

senti a mia chi nni sa'

tu picciutteddu sfasulatu

di Empedocli 'i Girgenti

dû paradisu 'n Sicilia sbannutu

senza ca si nni sapi nenti

dâ scaciuni dû pirchì e piccomu

ma veru accussì avìa ssiri

picchì unnegghiè stu cristianu

si mittiva e mittiva

nummuru unu arrisurtava

di unni si pigghia e pigghia

comu na campana sunava

e cci ammatti pu veru bona

ca la Sicilia ô paradisu

assà assà cci assumigghia

Chi nni sa' pezzu 'i strafalariu

di Teocritu pueta

iddu puru saragusanu

nvinturi da puisia pastorale

cupiatu 'i quarchi pueta Rumanu

chi nni sa' a tia baggianarisi

'i Caronda 'i Catania

u cchiù magnu leggislaturi

dâ Grecia e tutta a Magna Grecia

di Aristòtili Licurgu e Siluni

assà cchiù assà supiriuri

chi nni sa' babbalalà

ca va jennu cu nasu a l'aria

dî tri frati di Imera

di Elianatte di liggi criaturi

di Mamertinu 'ncigneri giniali

e Stisicoru u cchiù granni pueta

ca a Sicilia appi mai

ccussì granni di ssiri nnuminatu

l'Omeru sicilianu

mentri cc'è ccu è ca dici senti senti

ca dâ stissa pirsuna

è certu ca si tratta.

Vidi unn'è ca s'arriva

quannu cc'è 'n cristianu 'i ssa fatta

Veni ccà

senti ccà

chi nni sa' a tia marmanicu

chinu 'i fanatichizza

dû granni granni granni Re 'i Sicilia

Fidiricu Secunnu

sicilianu scurciatu

cu tuttu ca nasci fora

pî ssiri priscialoru

pirò 'n Palermu crisciutu e pasciutu

c'appoi ddiventa imperaturi

supra citatu dû munnu splinnuri

"splendor mundi" 'n latinu

cosa ca nuddu mai

nè prima e mancu ddoppu

ccussì fu nnuminatu

Mentri ca 'i Sicilia è Re

Fidiricu nun avennu chiffari

accussì comu si risbigghia

e ancora dû lettu nun s'hâ livatu

a mpinzata u Parlamentu strummenta

u primu 'n tuttu u munnu

siccomu appoi pinzeri

stu brigghiu un cci nni duna

'n tempu nta na botta

nta na vutata e svutata

a Scola Siciliana metti additta

ca la nostra parrata a tutti

e a tutti banni nzigna

Sta Scola biniditta

eni tantu ccillenti

ca veni friquintata

di tanti figghi di famigghia

'i tutta para Europa

Veni ccà

senti ccà

senti a mia chi ti dicu

a tia fanfaruni fanfarunazzu.

Si stu Re picca picca un dicu assai

ma vint'anni 'i cchiù avissi campatu

a lingua ufficiali dû sò imperu

un sacciu si assai dicu

u Sacru Rumanu Imperu

zzoè tutta l'Europa nzemmula

u sicilianu avissi statu

stigma nun avissimu canusciutu

e ccà nun fussimu accamora

a 'n capiri ccu sicilianu parra

Nta sta scola spacchiusa senza paru

cc'èni Jacupu di Lintini

'i Danti chiamatu "U Nutaru"

c'attrova lu sunettu

u primu nta lu munnu

a furma cchiù bedda di puisia

scrivutu 'n sicilianu

usatu appoi 'i tutti i pueti

'i tutti li parrati...

e ccà mi fermu ca sazziu mi sentu ...

anzi no autri cosi vogghiu diri

Veni ccà

senti ccà

senti a mia tu ca comu 'n diu

va jennu pedi pedi

ca passi da chiazza cu tantu 'i panza

c'arroganti prosopopea fumusa

d'accussì tantu disprizzanti

ca nun vidi e nun senti

ccu è ca cci hâ davanti

di ccu putissitu mparari

comu megghiu purtari avanti

sta battagghia ca fussi 'i tutti quanti

ca a tia ti putissi nzignari

ca a cosa cchiù mpurtanti

è a lingua di tuttu un populu

ma cchiù mudestu t'hâ mmustrari

menu brillanti assai menu sfuttenti

E chi nni sa' di ...

No ... Chi nni sa' di ...

Mancu ... chi nni sa ...

Ma dâ Sicilia chi è ca sai?

Matri mia sì propiu gnuranti!

Nenti sa' e nenti vo' sapiri.

Pi stu mutivu a tia ddocu ti lassu

un sugnu ju ca ti pozzu nzignari.

Cerca i tò maistri i tò prufissura

e sdirrubbicci 'n coddu

na carrittata di mala palori

comu puru ê tò ginitura

ca ti custrinceru a parrari

na lingua ca i nostri nannani

un canusceru mai

Veni ccà

senti ccà

senti a mia ca l'urtima cosa

ti vogghiu diri e chiudu

sta lunga tiritera

Siccomu nuddu di Sicilia

quarchi cosa a tia t'hâ nzignatu

e ora nuddu ta sapi nzignari

acchiappa nu libbru di storia

di storia siciliana

scrivutu di nu sicilianu

in lingua siciliana ...

sì, comu no unni lu trova

ca nuddu cchiù si fida a fallu?

Talè vattinni arrassu

ca eni a megghiu cosa

e dunati di versu assulu ...

anzi ora ca megghiu assai cci penzu

futtitinni di mia

di chiddu ca ti dissi

futtitinni di ccu ha statu e nun cc'è cchiù

futtitinni di pirsunagghi antichi

e di chiddi muderni

di stramuorti rignanti

e futtitinni dû pueta Ignazziu

u pueta di piazza

ca dici "poviru addiventa

ddu populu ca a sò parrata perdi"

Futtitinni siddu lu sicilianu

è ddà cu ddà pi scumpariri

a tia ti basta ca a tò panza canta

ca chinu teni u vurzittinu

ca sa' parrari talianu

quarchi palora ngrisi ...

a Merica po' iri

Futtitinni 'i tutti e di tuttu

penza sulu a saluti

ca eni cchiù mpurtanti

da Sicilia e du sicilianu

e siddu cc'è ccu ti dumanna

di ccu è ca sì figghiu

arrispunnicci subbutu

ca tu sì chiddu ca sì

e tutti i discurruti

chiudili sempri ccussì

Allora sono inglese quindi scusatemi gli errori. Mi interessano tanto le varie lingue e dialetti dell'Italia e ho trovato questo video in cui un uomo racconta una piccola storia in palermitano, poi in italiano standard e ultimamente in inglese. L'ultima parte in palermitano è tipo una minaccia e mi sembra troppo divertente. Visto che non conosco molto del siciliano in generale, c'è qualcuno che potrebbe scrivere quello che dice a 2:00? Mi pare una cosa divertente da imparare in siciliano che potrei dire a un amico.

https://youtu.be/07VumMvUAxQ?is=wMmYLcWYLWVponog

My grandma had a Sicilian father (born 1894) and Abruzzesse mother (born 1910). I need help understanding this nursery rhyme for my kids. She said it was just “this little piggy went yo the market”. She would say (phonetically) digi la dale, fioda la nail, majota da jut, baccala, check-y pa doot! Is this Sicilian?

Veni ccà tu ca ti fazzu capiri \ picciutteddu beddu senza nu pilu \ prugressu veru \ chi è ca veni a diri

Dimmi siddu a tia nun ti veni u cori \ di campari ntâ stu pajisi \ unni tu avisti a vintura 'i nascìri \ Dimmillu senza na mussiata 'i funcia \ siddu u pajisanu ca ccà cci campa \ un è nu cristianu tranquillu \ siddu lu vidi fusu annirviatu \ si u vidi curriri avanti e nnarreri \ iri 'i prescia e furia chinu di peni \ propia comu 'n citatinu nchiummatu

Talia chi t'ha strummintatu \ senza ca s'ha spacinziatu \ senza ca cu nuddu s'ha ppulicatu \ pi nun faricci passari \ machini e mutura nta li vaneddi \ stu pajisanu pi tia arritratu \ e ntê strati pi falli iri pianu \ arvuli di fruttu unnegghiè \ sipala grasti e caseddi

Veni ccà sangu miu \ figghiu di lu me cori \ sai ca ti vogghiu beni \ quantu a nu paru 'i scarpi vecchi \ quasati nta li pedi \ Ti vogghiu diri ca oji comu oji \ u prugridiri, u prugridiri veru \ è lu turnari a l'antichi maneri \

Tu c'hâ statu 'n cità a studiari \ penzi 'i sapiri tutti cosi \ cchiù megghiu dê vecchi viddani \ ca fora mai nun cci camparu \ ma iddi 'i chistu su' cunvinti certi \ pirsuasi nzin'a midudda \ ca pi putiri jiri avanti \ a cosa cchiù megghiu di fari \ è riturnari a l'anticu sistema \ di vita e travagghiu \ ca senza affannu ti facìa campari \ senza jittari chiddu ca di bonu \ manu manu s'ha pututu accanzari

Dimmi tu ca ti senti spertu \ ominu ca s'ha giratu lu munnu \ mentri facisti lu granni viaggiu \ sulu pi jiri ntâ cità \ chi malanova di prugressu eni \ biviri acqua ntê buttigghi 'i plastica \ agghiacciata dû frigu \ ca ti spacca i denti \ quannu na quartara ta teni frisca \ tutta na jurnata sana \ senza spardari currenti \ Quannu ta vivi tuttu t'arricrii \ ti senti risturatu \ senza ca ti fa mali nenti

Dimmi alluccutu cu ssa vucca modda \ mentri ca camini trìnguli mìnguli \ chi prugressu eni \ si pi rispirari \ t'ha mentiri na mascara \ pi la vucca e pu nasu \ causa tutti i scarichi \ ca stu tò progressu \ fasullu pi tutti li roti \ si porta dappressu \ quannu pi forza ha usari \ l'aria cundizziunata \ câ granni e nichi ruvina a saluti \ quannu li cristiani di cità \ vannu spissu nta farmacia \ c'hâ ddivintatu comu fari a spisa \ ntâ 'n supermercatu, ntâ na putia?

Dimmi sbarbateddu sciacquatu \ ca parra schinci e linci \ picchì ti quagghia a facci \ parrari sicilianu \ di diri ca sì muntagnisi \ ca scinni dê muntagni \ ammeci di iri tisu comu 'n fusu \ pi sta lingua nobbili antica \ ddigna dû massimu valuri \ storicu culturali \ dimmi si nun è progressu \ ca stu pajisi un sapi nfirmitati \ ca nun avi na farmacia \ nu spitali na tinta nfirmiria \ dimmi siddu canusci \ ccu soffri di allirgia \ siddu cc'è quarchidunu \ ca è sempri a grattarisi \ pu forti manciaciumi \ ca l'aria ca rispira \ è china di ngrasciumi

Ccà nui nni pirmittimu u lussu \ d'aviri sulu na spizzïali \ cchiù vecchia di lu cuccu \ ca cu tutti lï erbi ca canusci \ 'n tempu nta na botta \ ti rimetti additta \ senza ca 'n malannu \ ti fa jiri stortu \ ... ma ti fa ssintumari \ cu lu ciauru di cassati e cannola \ ca com'a idda nuddu sapi fari

E dimmillu sinceru \ è jiri narrè comu lu curdaru \ un aviri 'n medicu curanti \ nu dutturicchiu \ ma sulu nu cerusicu \ cchiù anticu ca vecchiu \ di briscula e scupuni \ scupa e trissetti granni jucaturi \ c'accanza lu campari \ picchì affittu nun avi a pagari \ e 'n tirrineddu cci duna a manciari \ mentri si fussi 'n cità ...

Veni ccà gioja mia \ malatu 'i mudernità \ ca ti fazzu capiri \ unn'è ca s'attrova u progressu veru \ unn'è a vita vera sana \ unni iri nnarreri veni a diri prugridiri \ iri sereni avanti \ unni a genti un va jennu \ cu scantu 'n coddu \ unn'è ca si vidi senza sbagghiari \ chiddu ca eni daveru importanti \ pâ saluti 'i tutti quanti

Veni ccà beddu ciatuzzu miu friscu \ senza nu bafficeddu malandrinu \ ca ti vogghiu ammustrari cu rigogghiu \ chiddu ca nun sapisti valutari \ picchì va jennu cu li parocchi \ comu cavaddi e scecchi

Dimmi malaminnitta \ si jè malu progressu \ u panurama chinu di culura \ ca di davanzi a tia s'affaccia \ Un è a chiana 'i Catania, chidda di Val di Notu \ e mancu a Conca d'oru di Palermu \ ccà ntâ l'aria un cc'è ciauru 'i zagara \ picchì nuantri urtacini curtivamu \ ma u stissu si rispiri cu li naschi \ fetu 'i chìmica nun nni senti \ ma ciauru 'i frasciami \ dittu a la carcara \ e nun è cosa 'i nenti

Veni ccà piccatu a spisa \ senti a mia un ti nni iri \ nun ti babbiu \ senti chi t'aja a diri \ Ccà l'acqua ca vivi è munnata \ semplici pura \ è acqua di rocca frisca sincera \ un è cuntaminata \ picchì nui ntê tirrina \ disserbanti nun cci nni spruzzamu \ e nemmancu usamu fertilizzanti \ chimichi o minirali \ sulu fumeri litami grasciura \ nta tutti i tirrina straviamu \ accussì comu cumanna a Natura \ puru a munnizza 'i casa \ e chiddu ca ricogghi \ pedi pedi u spazzinu \ veni ntû fumiraru nzimmulatu \ a dispusizzioni 'i tutti i viddani \ e d'accussì macari \ u pajisi tinemu pulizziatu

Veni ccà, un ti mmucciari \ senti a mia a tia biddicciu \ cu ssa nasca sempri a l'aria \ chi è ca t'annu nfrancisatu \ nta scola 'n cità \ Ascuta a mia e scrivitillu nta frunti \ "tuttu chiddu ca contra a saluti \ nostra e da Natura \ ca cuntamina l'aria \ u nostru sanu ammienti \ jettalu lestu fora \ scurdatillu di tunnu \ Ccà tuttu accussì hâ ristari \ nenti s'ha canciari, nenti di nenti"

Comu si dicissi bestialitati \ mi sta taliannu \ allura dimmi sinceru \ siddu è veru ca quannu ammucchi \ i nostri urtaggi \ di lu sapuri i ricanusci \ chiddu ca mastichi nta vucca \ c'appoi t'agghiutti \ lestu lestu capisci

Allura ascuta a mia santu cristianu \ a curtivazzioni dâ terra \ lassiccilla fari ô nostru viddanu \ ca si fida pu veru bonu \ a fari u cuntatinu \ Avi nu modu novu novu \ anticu comu u munnu \ ca usa cantannu cantannu

Lassalu futtiri u modu mudernu \ ca si porta appressu \ ogni du' minuti na camurria \ danni pi tutti a tutti banni \ spogghia a Cristu e vesti a Maria \ e nudda utilitati \ A tia tu mi capisti \ ca pari ca sì pigghiatu dê bummi?

Mi senti? \ Accrisciri a pruduzzioni \ nun avi senzu pi nui \ chi facemu nn'abbasta e nn'assuperchia \ picchì sapemu curtivari \ senza spardari dinari \ pi ccattari sustanzi chimichi \ e spruzzalli ntê simenti agghigghiati \ Stacci pu veru accura accura \ niautri un vulemu arricchiri \ a dannu da nostra saluti \ a spisi da Natura

Mi seenti? \ A nostra campagna pi nzin'astura \ ha statu franca e franca hâ rimaniri \ di trebbi e trattura \ picchì niautri prescia nun cci nn'avemu \ e terri scavazzati \ di mezzi pisanti \ comu carrammati \ nui nun nni vulemu \ Cci su' muli e vacchi \ e cavaddi e scecchi \ ca nn'ajutanu ntî travagghi \ senza mpistarï aria e terra \ e ti dicu puru ca u fannu \ cu piaciri cuntenti e vulinteri

Mi seeenti? \ Veni ccà seeeenti chi ti dicu \ saputeddu 'i minchiati \ ca t'ha mparari e perdiri \ U progressu veru sanu pulitu \ è jiri appressu a Natura \ rispittari li sò tempi \ accussì comu l'hâ stabbilutu \ ô mumentu dâ criazzioni \ L'equilibbriu c'hâ truvatu \ Ddiu cci nni scanza si veni sfissatu \ Lassa i cosi comu su' \ lassa fari a idda \ ca sapi chi s'ha fari \ comu ha ssiri fattu \ sinnò nta tricchiti e marracchiti \ senza ca ti nn'adduni \ a ntrasatta ta fa pagari

Ciao! Sono nato a Palermo e ci ho vissuto la tutta l'infanzia. Ma nel 2011, quando avevo 13 anni, mi sono trasferito in Inghilterra. Ovviamente parlo ancora l'italiano, ma ho perso il siciliano :) Per caso ci sono dei libri in italiano per imparare il siciliano? Anche un manuale dall'inglese va bene pure, ma ha più senso prenderne uno italiano-siciliano. Grazie!

I know very little Sicilian and would like to watch some shows or movies to help me get used to the cadence and maybe gain some vocabulary.

I have watched Commissario Montalbano and Incastrati on Netflix, are there any other shows or movies that I can check out?

Musica con testi in Siciliano e musica strumentale

piçia qui