قاعده بدرس prealgebra من professor leonard ف وين بقدر اتدرب على نفس الموضوعات المشروحه

عايز ابدء اتعلم منتال ماث, انا واحد حرفيا بيستعمل الاله الحاسبه في اتفهه المسائل, اقدر ابدء منين؟

حاليا ف وسط التعفن الدماغي اللي بقا موجود عايز اشغل دماغي واذاكر mathematics من الأول وجديد وناسي حاجات كتير ممكن Algebra من البداية لحد فين مش عارف وممكن Calcus برضو من البداية لحد فين معرفش

ف مش عارف أتابع مين سواء عربي او إنجليزي م البداية كده

الفكرة كلها ان البوستات لما بتنزل هنا بتضيع مع الوقت و عدد البوستات المثبتة بيبقي قليل، لو انتوا مهتمين تشوفوا المحتوي اللي هينزل هنا عادي لكن من غير جانب الكوميونيتي ممكن تعملوا فولو هنا

عايزة اقتراحات كليات بتعتمد على ماث و فيزيكس مش عارفة غير حاسبات (من علمي علوم)

السلام عليكم،

بعد الفيديو الأول عن الـ Parametric Equations، ده ثاني فيديو أنشره على القناة، والمرة دي حبيت أعيد بناء مفهوم النهايات (Limits) من الصفر تماماً من منظور هندسي وبصري بحت بعيداً عن مجرد الحفظ الجبري أو التعويض الميكانيكي.

الفيديو بيأخذك خطوة بخطوة في رحلة المفهوم:

1. أرشميدس وطريقة الاستنفاد: إزاي محاولة حساب مساحة الدائرة من 2200 سنة عن طريق المضلعات المنتظمة كانت هي الشرارة الأولى لفكرة الليمتس.
2. الفرق بين قيمة الدالة والليمت: ليه الليمت بيهتم بسلوك الدالة "قرب" النقطة مش عند النقطة نفسها
3. الإثبات الهندسي للنهاية المشهورة lim x approaches 0 sin(x)/x : إثبات بصري كامل باستخدام دائرة الوحدة (Squeeze Theorem) من خلال مقارنة مساحات المثلثات والقطاع الدائري.
4. النهايات عند المالانهاية: يعني إيه أصلاً المتغير يقترب من قيمة غير محددة،
5. استنتاج قانون مساحة الدائرة: تطبيق كل اللي شرحناه في الفيديو عن طريق حساب ليمت مساحة مضلع ذو n من الأضلاع لما n تقترب من المالانهاية، وربطها بنهاية الـ sin.

ده لينك الفيديو على يوتيوب:

https://youtu.be/BcGqcgD2N9Y

وبالتوازي مع الفيديو، كتبت مقال على Substack بيتناول جانب تاريخي ورياضياتي مكمل: إزاي نفس مفهوم الليمتس ده خرج لينا من مسألة مالية بحتة عن الفائدة المركبة طرحها جاكوب بيرنولي، وازاي مفكوك ذات الحدين وحصر النهاية قادنا لاكتشاف الثابت الرياضي e بدقة 18 رقم عشري مع أويلر.

لينك المقال على Substack:

https://zetamath.substack.com/p/can-you-make-infinite-money-from

يهمني جداً أسمع رأيكم ونقدكم في الإخراج البصري للأنيميشن وتسلسل الشرح، وشكراً ليكم!

لو دخلت سياسة و اقتصاد و دخلت قسم احصاء هل ينفع اشتغل في ال data analysis و ال data science انا كنت بحثت عن الموضوع ده و عرفت ان اه ينفع بس انا ال هطور نفسي في الحتة بتاعت البرمجة ة كدة فكنت عايز اتأكد

انا في حاسبات و دي تخصصي إن شاء الله بس سمعت إنها بتحتاج ماث قوي جدا, حتى إن ساعات خريجين علوم رياضة بيشتغلوا في المجال أحسن من بتوع علوم بيانات نفسهم عشان الماث عندهم أقوى فعايز اجهز للموضوع دة.

دلوقتي أنا ف اولي ثانوي و بحب الماث جدا و طول عمري فاكر اني بفهم ماث و شاطر فيه بس ف تلات سنين اعدادي كنت بروح ل مدرس مش بفهم منه و خلاني أضيع ف الماث و أنا كنت بذاكر ب نفسي ف آخر أسبوعين ف الترم و ألم الدنيا و خلاص بس أنا دلوقتي ناوي اني اخش مسار الهندسه بس خايف لأني دلوقتي ف اولي ثانوي بعرف احل و بحل كتير كمان بس اي سؤال بيكون فيه فكره مختلفه معتمده علي حاجة قديمه او حاجة فيها فكرة مبعرفش احلها ف هل دة معني أن انا خلاص كدة انا مبفهمش ماث و مستوي دكائي اقل و أشوف اي حاجة بعيد عنه ولا في حل و معنديش مشاكل اني اخد الماث ك هوايه لأني فعلا بحبه و بقدره ك علم مش ك مادة

اكتشفت انها مدخل لاي علم ، ابدء منين عايز خطة منهجية ضخمة لدراستها و شجعوني و هتفيدني كبف و جزاكم الله خير

لما بقول ممنوع الترويج الذاتي اللي انا بحاول اتفاداه هو حاجتين

اولا المدرسين و اصحاب الكورسات المدفوعة اللي هدفهم الربح قبل نشر العلم

ثانيا هي المشاريع اللي بتشرح منهج مش فكرة، يعني مثلا يشرح منهج تانية ثانوي، اعدادي هندسة، الي اخره مش بيشرح كورس عن فكرة معينة في الرياضة، النهايات مثلا او الجبر الخطي او ما قبل التفاضل و التكامل

و غالبا الاتنين دولا بيبقوا مع بعض عشان لو انت بتحاول تكسب هتتوجه لاكبر فئة تقدر تبيعلها و هي الانظمة التعليمية

لو انت مشروعك ببلاش تماما و بتشرح افكار و افرع في الرياضة ممكن تفيد اي حد مهما كان نظامه او سنه او خلفيته اتفضل انشر مشروعك و اتمني الناس تبقي بتشارك رأيها عشان نتطور كلنا. انا حدثت الرول عشان يبقي الامر واضح

كنت قاعد مع قريب ليا وقالي إن كتير من طلبة الجامعة هنا (أنا عايش الخليج حاليًا) بيعانوا مع التفاضل والتكامل (calculus) لدرجة إن بعضهم بيسقط في المادة.

أنا شخصيًا كنت قوي جدًا في المادة دي والرياضيات عمومًا (من الأوائل على الدفعة في كل مادة) ودرست المادة في الجامعة تحت إشرافها وكنت بساعد الدكاترة في التصحيح، فكنت بفكر أعمل حصص مراجعة أونلاين للcalculus بالذات من باب المساعدة (من غير فلوس أو شروط اشتراك/دخول)، بس بصراحة معرفش لو دي فكرة مناسبة أو مفيدة، ولو هي كذلك ايه أحسن طريقة أقدمها بيها (زوم، ولا جوجل ميتس، ولا بوستات مسجلة، إلخ، وعربي ولا إنجليزي) أو أحسن طريقة أنشرها بين الطلبة اللي ممكن يستفيدوا من حاجة زي دي.

للتوضيح: مش بسوق لأي دروس أو مشروع هنا، بس نفسي أسمع آراء الناس هنا عن الفكرة نفسها أو أي نصايح منهم.

Miguel Santiago

صاحب صفحة @mathscribbles علي انستجرام هو مصدر الصورة. اعملوله فولو ياريت فادني كتير!

انا في ثالثه ثانوي و خدت ٥ حصص بيولوجي حتي الآن

حسه اني ماشيه بس زهقانه موت و حسه اني مش عايزه كليه طبيه اصلا

في ثانيه ثانوي تاني علي درجه ليا كانت في الماث

و كنت بذاكره كويس جدا جدا و كنت بجد من اشطر الناس في الفصل بس بحس اني خايفه اوي من الماث لاني مذاكرتهوش ولا حبيته الا علي ايد الميس بتاعتي في ثالثه اعدادي

بما اني اصلا مخدتش بايو ولا في اولي ثانوي و لا ثانيه و دلوقتي نظام ٥٠% مقالي و الباقي اختيارات ف حسه انه ده احسن في الماث لانه كده ولا كده كلو في ستيبس

حتقولو مايله ل ايه بحب الفيزيكس جدا و الكهرباء و ال quantum mechanics جدا جدا

حل اكمل علمي علوم ولا اخاطر و اخش رياضه؟

لو انا هدخل علوم و ليا سنتين مزاكرتش ماث خالص ، هل المفروض اذاكر اي حاجه قبل الكلية ؟

اثبتلي هي سلسلة رياضية من غير منهج هدفها مش بس اثبات القوانين لكن فهم الرياضة و منطقها بشكل اعمق

انا في تالته ثانوي انا كنت مهمل الرياضه شويه حلوين وما كانتش افضل حاجه معايا بس انا بعشق الفيزياء وعشان الفيزياء ادخل كليه علوم فيزياء عايز رياضه كويسه هل ممكن ارجع ادرس الرياضه ثاني في الاجازه دي بتاعه ثالثه ثانوي للجامعه انا مش علمي رياضه انا علمي علوم

انا حاليا في تالته ثانوي والسنين اللي فاتت كنت شاطر في الرياضه وبقفل فيها عادي بس حابب اعرف لو فيه طريقه اذاكر بيها في تالته ؟

يعني مثلا الدرس اللي يتشرح اشوف الشرح من كتاب المعاصر ولا صبورة المستر ولا الخص انا الدرس بايدي في كشكول وبعدين احل الأسئله اللي عليه دي الماده الوحيده اللي مش بعرفلها طريقة مذاكره بتيجي معايا بالحب كدا

داخل تالته ثانوي علمي رياضه واخري في الماث تالته اعدادي شبه مذاكرتهوش في اولي وتانيه ثانوي معلوماتي بسيطه جدا في الكالكلس عادي ولا هتبقي مشكله ؟

انا السنه دي ثانويه عامه و اخترت علمي رياضه عشان حبيت الماث في ثانوي مع اني كنت بكرهه جدا و انا صغيره

calculusبس حاليا بتقابلني مشكله اني كل ماجي احل

مبفهمش أصلا السؤال بيقول ايه و بحس إني تايهه مع إني بفهم كويس و بحل مع المدرس عادي في الدرس

الموضوع ده جابلي احباط و بقيت حاسه اني كان المفروض ادخل علوم او ادبي و اني مش فمكاني